O’quvchimning kelajagi uchun
Yurtimizda unib-o’sib kelayotgan iste’dodli , yosh nihollar juda ko’p.Ana shu nihollarni to’g’ri parvarish qilib, hayotda nimagadir erishishlarida biz ustozlar yo’l boshlovchi mayoq bo’lishimiz kerak. Niholimiz o’sib bo’y cho’zgani sari ko’rib ko’zimiz quvnaydi. Uning har bir teran fikrlashini, ko’z ochayotgan iste’dod bulog’ini, shijoatkorligini his qilish, albatta, quvonarli. Mana shunday tirishqoq yoshlardan biri shogirdim Matkarimova Hakima.U izlanuvchan, o’z ustida ishlaydigan, hayot bilan, zamon bilan hamnafas odimlaydigan yoshlardan biri. Hakima yaqinda tumanimizda o’tkazilgan “Zulfiyaxonim izdoshlari“ tadbirida faol qatnashib faxrli 2-o’rinni egalladi.Uning yanada yuksak cho’qqilarni egallashi uchun ,o’z ustida ishlashi, intiluvchanligi uchun maktabimizda 5-, 6-sinf o’quvchilaridan iborat “Yosh qalamkashlar” to’garagini tashkil qilganman. Bu sa’y-harakatlarimiz gulg’unchamizning ulg’ayib bo’y cho’zishiga yordam beradi degan umiddaman. O’quvchimning kelajagi uchun maqsadli harakat qilish eng oliy maqsadim.
Masharipova Mahfuza, ona tili va adabiyoti fani o`qituvchisi.