Ushbu xushxabarni sizlar bilan bo‘lishishdan faxrlanamiz! Maktabimiz o‘quvchilari nafaqat fanlarni o‘zlashtirishda, balki respublika miqyosidagi sinovlarda ham eng yuqori cho‘qqilarni zabt etishmoqda.
​Maktabimizning 9-sinf o‘quvchisi Jumabayeva Fotima Jamshid qizi Milliy sertifikat imtihonlarida Rus tili va adabiyot fani bo‘yicha tengsiz natija ko‘rsatdi!
Sertifikat darajasi: A+ (Eng yuqori daraja)

Maktabimiz 11-sinf o‘quvchisi, yosh matematik olimimiz Ismoilov Og‘abek Anvar o‘g‘li bugungi kunda o‘zining tengsiz intellekti va erishgan natijalari bilan barchamizni birdek lol qoldirmoqda! Urganch davlat universiteti Fizika-matematika fakultetining matematika yo‘nalishida tahsil olishni maqsad qilgan Og‘abek, hozirning o‘zidayoq talabalik eshiklarini juda baland ko'rsatkich bilan ochib bo‘ldi desak mubolag‘a bo‘lmaydi.
​Qahramonimiz hozirgi daqiqagacha davlat imtihonlari uchun 173,5396 ballik ulkan poydevor jamg‘arishga ulgurdi.

MAKTABIMIZ FAXRLARI: "BESH MILLION DASTURCHI" LOYIHASIDA YUKSALISH!
​Bugun maktabimiz hayotida unutilmas va tarixiy kunlardan biri! Axborot texnologiyalari asrida mamlakatimiz bo‘ylab yosh dasturchilarni kashf etishga qaratilgan "Besh million dasturchi" yirik loyihasi doirasida 41-sonli maktabimizning naqd 6 nafar o‘quvchisi yuqori natijalarni qayd etib, zamonaviy noutbuklar bilan taqdirlandilar!
​Ushbu muvaffaqiyat nafaqat maktabimiz, balki butun mahallamiz faxridir. E'tiborlisi shundaki, tuman bo'yicha ajratilgan jami 16 ta noutbukning Bu ko'rsatkichning salmoqli qismi — 6 tasi esa aynan bizning 41-maktab o‘quvchilari hisobidadir!

Har bir ta’lim maskanining chinakam boyligi, uning jamiyat taraqqiyotiga qo‘shgan hissasi yetishtirib chiqargan barkamol avlodi va muvaffaqiyatli shogirdlari bilan o‘lchanadi. Bugun maktabimiz jamoasi, ustoz va murabbiylari uchun g‘oyat quvonchli hamda unutilmas kun!
​Maktabimizning sobiq o‘quvchisi, bugungi kunda o‘zining iqtidori, ilm-fanga bo‘lgan ishtiyoqi va ijtimoiy faolligi bilan tengdoshlariga namuna bo‘lib kelayotgan Sapayeva Dilnoza yuksak e’tirofga sazovor bo‘ldi.
​  Samarqand shahrida bo‘lib o‘tgan nufuzli “Respublika ilmiy konferensiyasi” hamda uning doirasidagi “Yangi O‘zbekiston iftixori” forumida Dilnoza o‘zining erishgan yutuqlari va intilishlari samarasi o‘laroq, faxrli “Yangi O‘zbekiston iftixori” ko‘krak nishoni hamda maxsus diplom bilan taqdirlandi.