2025-2026 - o`quv yili ham maktabimiz matematika fani ustozlari uchun samarali yil bo`ldi deb ayta olamiz. O`quv yili davomida 3 nafar ustozimiz SAT xalqaro sertifikatini qo`lga kiritdilar. Bir o`qituvchimiz matematika fani o`qituvchilari olimpiadasi respublika bosqichida muvaffaqiyatli ishtirok etdi, boshqa bir ustozimiz viloyat umumta'lim maktablari o`qituvchilari uchun Urganch davlat universitetida ikki marta mahorat darslarini o`tkazdi. O`quvchilarimizdan ikki nafari tuman fan olimpiadasida g`olib chiqdi. Bir nafar o`quvchimiz viloyat darajasidagi Ergash Xudoynazarov xotira turnirida, ikki nafar qizimiz Azimboy Sa'dullayev xotira turnirida g`olib chiqdilar. Shu qizlarimiz yevropa qizlar matematika olimpiadasi respublika bosqichida muvaffaqiyatli ishtirok etdilar.