Maktabimiz 30 yoshda.
Bugun ertalab maktabimiz tashkil qilinganligining 30 yilligiga bagʻishlangan yakuniy bayram tadbiri bo'lib o'tdi. Tadbirda maktab pedagogika jamoasi, o'quvchilar, maktabimiz 1-direktori T. Sapayev, 2-direktori Sh. Matkarimov, maktabimiz tashkil qilingan dastlabki yillardan unda faoliyat olib borib ta'limda yuqori sifat samaradorligiga erishgan ustozlardan T. Kenjayev, M. Matsapayev, G. Saparboyev, Z. Do'schanova, A. Yusupova, tuman MMTB mudiri Y. Bobojonov qatnashdi . Tadbirni maktab direktori Sh. Jumatov ochib berdi va maktab 30 yillik tarixiga, erishgan yuqori natijalarga, sobiq o'quvchilarimiz yutuq, muvaffaqiyatlari haqida so'zlab verdi. Maktabimiz tashkil qilinganligining 30 yilligiga bagʻishlab oʻtkazilgan olimpiadalarda g'olib bo'lgan, yuqori natijalarga erishgan o'quvchilarimiz ham shu tadbirda taqdirlandi. 

Maktabimiz tashkil qilinganligining 30 yilligiga bag`ishlab maktabimizning 5-,6-,7-,8a-,9a-sinflarida matematika fanidan olimpiada o`tkazildi.
Olimpiada 5 ta misol va masala asosida o`tkazilib jami 50 ballik tizimda baholandi. Bunda quyi sinf o`quvchisi yuqori sinf olimpiadasida o`z imkoniyatini sinab ko`rishi ham mumkin bo`ldi. Shuningdek, 9-sinf olimpiadasida tumandagi 42-AFChO`M o`quvchilaridan 8 nafari qatnashdi. O`quvchilar natijalari shu kuni sinflar telegramm guruhlarida e'lon qilindi. G`olib o`quvchilar yakuniy bayram tadbirida taqdirlanishi belgilandi.

2023-yil 5-may kuni Urganch davlat universitetida viloyatimizdagi umumta’lim maktablari o‘quvchilari uchun Matematika fani bo‘yicha an'anaviy xotira turniri boʻlib oʻtdi. Xotira turniri 1966-1995-yillarda Xorazm davlat pedagogika instituti (hozirgi Urganch davlat universiteti)da samarali mehnat faoliyatini olib borgan matematik olim, fizika-matematika fanlari nomzodi, dotsent Ismoil Abdullayev xotirasiga bag‘ishlab oʻtkazildi.