Talabalik - o`quvchining yillar davomida qilgan harakatining samarasi.
Maktabimiz bitiruvchilari oliy ta'lim muassasalariga o`qishga kirishi 2005 - 2010 -yillar davomida 75-80% ni tashkil qilgan. Keyinchalik 9 yillik ta'limga o`tilgan va 2019-yildan o`quvchilarimiz yana 11-yillik ta'limni maktabda yakunlab boshladilar. Bu esa maktablar reytingini aniqlashda davlatimiz tomonidan ham, vazirlik tomonidan ham, mahalla ahli tomonidan asosiy e'tibor maktab bitiruvchilarining OTM ga kirishi bilan aniqlana boshlandi. O`tgan yili bitiruvchilarimizdan ikki nafari O`zbekiston Respublikasi oliy ta'lim muassasalariga qabul qilingan bo`lsa (ikki nafari ham kontrakt asosida), Bu yilgi bitiruvchilardan 8 nafari qabul qilingan, shulardan uch nafari grant asosida, 5 nafari kontrakt asosida talabalikka qabul qilindi.

O`quvchilarning yozgi ta'til davrini mazmunli o`tkazish maqsadida, o`quvchilarning matematika fanini o`rganishga bo`lgan qiziqishlarini hisobga olgan holda iyul va avgust oylarida 6 ta turdan iborat onlayn olimpiada tashkil tashkil qilindi. Onlayn olimpiada matematika faniga ixtisoslashtirilgan 5-a va 6-a sinflari o`quvchilari uchun o`tkazildi. Yakunda yuqori natija ko`rsatib g`olib bo`lgan o`quvchilar maktab faxriy va maqtov yorliqlari bilan taqdirlanishdi.