“O`zbekiston Respublikasi Davlat Bayrog`I qabul qilinganligining 25 yilligiga bag`ishlab 2016 yilning 14-noyabr kuni “Matematikadan masalalar yechish bilimdoni” musobaqasi bo`lib o`tdi. Unda 5-9-sinfning 20 nafar o`quvchisi g`oliblik uchun o`zaro kurashdilar. Musobaqa qatnashchilariga 5 ta masala berildi va ularni yechish uchun 2 astronomik soat vaqt ajratildi. Barcha o`quvchilarga bir xil masala berilishi yuqori sinf o`quvchilarining imkoniyatini oshirdi. Oldindan e’lon qilingani bo`yicha birinchi o`rinni egallagan o`quvchi maktab faxriy yorlig`I, 8-sinf uchun algebra va geometriya fanlaridan masalalar to`plami va shaxmat bilan taqdirlansa, ikkinchi va uchinchi o`rinlarni egallagan o`quvchilar maktab faxriy yorliqlari bilan taqdirlanadi. Taqdirlash 18-noyabr “O`zbekiston Respublikasi Davlat Bayrog`I qabul qilinganligining 25 yilligiga bag`ishlangan tadbirda o`tkaziladi.

2016 yil oktabr oyi boshida maktabimiz 9-sinf o`quvchisi Jumaboyeva Madina O`zbekiston Respublikasi Xalq Ta’limi Vazirligi Respublika bolalar kutubxonasi tomonidan o`tkazilgan "Mustaqillik madhi bolalar ijodida” Respublika ijodiy ishlar ko`rik-tanlovi hikoya yo`nalishida II-o`rinni egallaganligi uchun  O`zbekiston Respublikasi Xalq Ta’limi Vazirligi Respublika bolalar kutubxonasining Ikkinchi darajali diplomi bilan taqdirlangan edi. Kuni kecha yana 4 nafar o`quvchimiz ushbu tanlovda faol ishtirok etganligi uchun  O`zbekiston Respublikasi Xalq Ta’limi Vazirligi Respublika bolalar kutubxonasining faxriy yorliqlari bilan taqdirlandi.