Matematika o‘qituvchilari uchun mahorat darsi o‘tkazildi

Bugun, 7-fevral kuni Abu Rayhon Beruniy nomidagi Urganch davlat universiteti hamda Xorazm viloyati Maktabgacha va maktab ta’limi boshqarmasi hamkorligida viloyatdagi matematika fani o‘qituvchilari uchun kasbiy mahoratni oshirishga qaratilgan mahorat darsi tashkil etildi.

Mazkur mashg'ulotda Urganch davlat universitetiga biriktirilgan Xonqa tumanidagi 12- va 20-sonli maktablar, Xiva shahridagi 56-IDUM, Urganch tumanidagi 45-sonli AFCHO‘SM maktab-internati, Urganch shahridagi 10-sonli maktab, Qo‘shko‘pir tumanidagi 39-sonli maktabning matematika fani o‘qituvchilari faol ishtirok etdilar.

⚫️Mahorat darslarini Fizika-matematika fakulteti dekani J.Xujamov hamda Gurlan tumanidagi 41-ixtisoslashgan maktabning oliy toifali matematika fani o‘qituvchisi B.Kenjayev olib bordilar.

Tadbir davomida o‘qituvchilarga matematika fanidan milliy va xalqaro sertifikatlarni qo‘lga kiritish jarayonida zarur bo‘lgan bilim va ko‘nikmalarni rivojlantirish bo‘yicha amaliy tavsiyalar berildi.