Bola dunyoga kelganda ota-ona qanchalik quvonadi.Uning katta bo'lishi,unib-o'sishi uchun bor mehrlarini berishadi.Boshqalardan kam bo'lmasin deb,qo'lidan kelgan barcha sharoitlarni yaratib berishadi.Xo'sh,hamma yoshlar bu imkoniyatlardan to'g'ri foydalana oladimi?Yo'q,albatta,"To'qlikka sho'xlik" deganlaridek,ayrim ma'naviy olami tor yoshlar o'z dunyosini do'zaxga aylantirib yuboryaptilar.Giyohvandlik ko'chasiga kirdingmi,chiqib olishing dargumon.U seni yanada ichkariga tortaveradi.Har bir inson o'z taqdirini o'zi belgilaydi,shunday ekan giyohvandlik botqog'iga botishdan saqlanishi lozim.Bu yo'lga kirib qolmaslik uchun bolalarga keng tushunchalar berish lozim.Shu maqsadda bizning maktabimizda ,,Biz OITS va giyohvandlikka qarshimiz'' mavzusida insho,rasm tanlovlari o'tkazildi.OITS ning kelib chiqish sabablari,yuqish yo'llari,uning oqibatlari to'g'risida,giyohvandlik umr zavoli ekanligi,ko'pincha uning oxiri halokat bilan tugashi haqida ma'lumotlar berildi.Tanlovda g'olib bo'lgan o'quvchilar maktab faxriy va maqtov yorliqlari bilan taqdirlandilar.

Masharipova Mahfuza, ona tili va adabiyoti fani o`qituvchisi