XAYOLIMDA YASHAYSAN MANGU

 

Bir og`ir karvonni olib ketyapman

G`amlardan kuyib men hijron cho`lida.

Majruh yuragimda dardning tikoni

Nishon izlayapman qalbing yo`liga.

 

Sening qadamingda jannati gullar

Xush bo`yin qiladi olamga ko`z-ko`z.

Mening qadamimda ingrar xazonlar

Armonni quchoqlab faryod chekar kuz.

 

Yig`layman…ko`zimdan ko`zyoshlar emas,

Dilda dardlrimdan qonlar oqadi.

Qalbimda bo`y cho`zgan armon gullari

Maysiz jom singari unsiz boqadi.

Juda uzun-uzun yo`ldan ketyapman ,

Bir nishon topmasdan qalbingga tomon…

Maxzun xayolimda yashaysan mungu,

Sening mehring menga bo`lsa ham armon.

 

 

 

 

BAXTIM ISTIQLOL

 

Ruhim parvoz qilar baxtdan samoda

Butun vujudim uzra shodlik hukmdor.

Daryodan shiddatli tomirlarimda

Kulgu yangrab turar jo`shqin,betakror.

 

Yuragim kuychalar-baxtning kuyini

Xayollar raqs tushar nozik,lijokor.

Suyak-suyagimga singib xushnudlik

Aks-sado beradi qalbimda takror.

 

Ko`zlarim quvonchdan boqar hartomon,

Jamoling vasfidan bo`lib hayron,lol.

Baxt koni ochilgan Vatanim uzra-

Mangu porlayvergin-Baxtim-Istiqlol!!!

 

 DEHQON BOBOJON

 

Qalbingizda yashar poklik,ezgulik,

Quyoshning nuridan kun olgan yuzlar.

Jannat yo`llariga tutash yo`lingiz

Qo`llarim qadoq deb nolinmang sizlar!

 

Mehrning nuri bor ko`zlaringizda

Olohga,tuproqqa,jondek Vatanga.

Sahro-yu cho`llar ham aylanar zumda

Mehringiz nuridan-go`zal chamanga.

 

Sizga joningizdan aziz farzanddek-

Yerdan unib chiqqan har bitta nihol.

Ming bir tilni bilar sizning dilingiz,

Tabiat,borliqdan so`rash uchun hol.

 

Necha bor dunyyoni chiqsam aylanib-

Hech qaydan topmasman sizdek bolajon.

Xalqning yuragida mangu yashaysiz

Qadoqqo`l,quyoshyuz dehqon bobojon!...

 

 Sho`r dengiz suvidek manglay teringiz

Loy qilar tuproqli yo`llarimizni.

Biling dunyolarga alishtirmasman,

Halollik iz solganqo`llaringizni!

 

******

Yiqilganda suyab turar otamni- tog`im dedim,

Quchog`ida guldek ungan onamni-bog`im dedim.

Mening baxtim yulduzlari-ko`zlarida porlaydi

Har ikkisin yuragimda- so`nmas chirog`im dedim

 

 Pok mehridan qarog`imda olam guldek yashnaydi,

Duosidan yurar yo`lim nurlarga to`lar mangu.

Har so`zida ezgulikning sadolari yangraydi

Ular borki yuragimda jaranglab turar kulgu.

 

 TAQDIR O`YINI

 

Yuragim pinjiga yashrinib olib,

Qalbda sog`inchlarim yig`ladi yum-yum.

Ko`nglim gulzoriga ekkan gullarning

Barglari xazondek qurib qolgan zum.

 

 Har nafas jonimdek asradim ammo,

Bilmadim ne uchun quridi ular?!

Tegramda aylanib sanchilib dilga

Xasadgo`y tikonlar ustimdan kular.

 

O`zimdan ortiqroq sevsamda afsus,

Ular yuragimdan uzdi bo`yini.

Bunchalar vafosiz bo`lmasa dunyo

Nima ham deyardim,taqdir o`yini…

 

OLLOH MO`JIZASI

 

Mehringiz suvidan ichsa bir bora

G`unchalar yozadi sahroda tikon.

Bosgan izingizda gullar ochilib,

Jannat iforiga to`lar har makon.

 

Bunchalar go`zalsiz,farishtadeksiz,

Xattoki oyning ham ko`zi qamashar.

Mehringiz nuridan kuyib yanog`i

Quyosh har kun siz-la o`rin talashar.

 

Eng oliy o`rinda sizning nomingiz

Tirik jonlar mulki yurakda mangu.

Mehri nafasingiz tog`ni so`zlatar,

Har bir tovushidan jaranglar kulgu.

 

Siz shunday buyuksiz poyingiz uzra-

Tosh qotgan qoyalar ketadi erib.

Siz ufqning yuziga berasiz pardoz

Ko`ngil bog`ingizdan lolalar terib.

 

 Sizning bag`ringizda bitta nuqtadek,

Ming bir sinoatli cheksiz koinot.

Har dam ezgulikka chorlab dilarni

Oppoq orzulardan bog`laysiz qanot.

 

 Kaftdek jussangizda dunyo tashvishi,

Poklik yo`llaridan qaytmas karvonsiz.

Olloh mo`jizasi- munis ayollar

Baxtning osmoniga tutash narvonsiz!!!

 

 12.03.2014

******

Bu foniy dunyodan o`tarman bir kun,

Ishqqa zor yurak-la mehrigadoday.

Sevgimning nafasi mangu qoladi,

Tongni erkalovchi bodi saboday.

 

 Sirdosh gullarimdan midlarim ko`p,

Meni mahshargacha borar kuzatib.

Yelkadosh do`stlarim azim chinorlar

Jannat yo`llarini qolar ko`rsatib….

*******

Saraton …

Bag`rimni tiladi sovuq izg`irin,

Ko`zimdan oqadi muz parchalari.

Sizsiz xazon bo`lib quchadi yerni

Qalbimda ochilgan ishq g`unchalari.

 

 Quyosh …nur

 

 Neligin anglamas ko`nglim gulzori

Armongul barglari to`sar nur yo`lin.

Sizsiz ming faryod-la nola qilsam ham

Menga farishtalar uzatmas qo`lin.

 

Sababi …

 

 So`ramang,o`rtamang,tilmang dilimni,

Bir kuni…bilarsiz,hammasi ayon.

Armon yomg`irida ketyapman yo`lda,

G`amlarni boshimga qilib soyabon…

 

 26.02.2014

******

Toqatlarim toq emas, tog`dan ortib ketmoqda,

Dunyo sabrim kosalarin yarmini to`ldirolmas.

Ming bo`lakka bo`linsa ham vujudim armonlardan

Ikki dunyo yurakdagi sevgimni so`ndirolmas.

 

 Hijron tog`i bo`y cho`zib,essa armon shamoli,

Dilda ungan orzumning gullarin uchirolmas.

Yetti iqlim daryolari oqib kelsin mayliga,

Qalbimdagi muhabbatning olovin o`chirolmas.

 

 G`amlar bilam orzular har on qilib to`palon,

Asrlardek uzoq-uzoq kunlar bormoqda o`tib.

Mayli barin yuragimga yutib yashayveraman,

Dilga baxtning atirlarin sepmoqligingiz kutib.

Bir bor chindan dil izhorin aytmoqligingiz kutib…

****

Shu kunlar…

 

Bahorning nafasi keladi,

Xazonrez bog`larning qo`ynidan.

Ko`ngil yayrar kuzning bag`rida,

Atirgulning quchib bo`ynidan.

 

Olovrang yaproqlar qalbimda,

Muhabbat olovin yondirdi.

Xayyollarning cheksiz osmoni,

O`zimni o`zimdan tondirdi.

 

 Yomg`irlar tomchilab ko`zimda,

Mavjlandi muhabbat daryosi.

Dilimni kuldirar, kuydirar,

Quvonch ,g`am aralash dunyosi .

 

 Turnalar yo`liga bog`landi,

Osmondek musaffo pok sevgim.

Oltin kuzning hadsiz bag`riga,

Sig`may ketdi ,o`tli yuragim.

 

Yer-u samo yorishdi birdan,

Chechak bo`lib undi xazonlar.

Dilni chayqar belanchagida,

Baxt Quyoshi otgan azonlar.

 

YURAKDAGI XOTIRALARIM

 

Yozaversam ko`pdir juda ham

Beboshlig- dilporalarim

Ko`z o`ngimdabir dam

Yurakdagi xotirlarim.

 

Moviy ko`zlik,tilla sochligim

Qo`g`irchog`-u,o`yinchoqlarim.

Eslatishar bolaligimni

G`amga botsam ovunchoqlarim.

 

 Igna sanchiq koptokchalarim-

Kechiringlar men o`jar qizni!

Dilingizni anglamay turib

Sho`xlik qilib yoribman siz

 

 Doim mendan qo`rqardingiz siz,

Doim mendan qochardingiz siz.

Sizni ushlab yorish istardim

Doim menga yoqardingiz siz.

 

 Qani edi qaytsa bolalik…

 

 Koptoklarni yormasdim hecham.

Ular uchun baxsh etib shodlik

Hamma kabi o`ynardim men ham.

Tilla qnot baliqchalarim

 Tutib olib ranjitdim sizni.

Suvsizlikdan o`lib qoldingiz,

Dil soyiga oqizdim sizni…

Hamon borsiz,suzib yurasiz,

 Dilning jo`shqin ummonlarida.

Mangu porloq yulduz bolalik,

Xotiramning osmonlarida…

 

2011-yil

 

*******

Men kata bo`lyapman kun o`tgan sayin,

Boshingizga yuklab ming-ming tashvishlar.

Ko`zingizda porlar orzu yo`lida

Meni chorlab turar ulug`vor ishlar…

Baxtim yo`llarida orzu- o`yingiz,

Boshimda charx urib turgan xumosiz.

Ollohning men uchun tengsiz inomi-

Ko`ksimga qadlgan oltin tumorsiz!

Yuzingizga boqsam kuyadi dilim,

Men bosgan izlardek ajinlar go`yo…

Shuncha yil yelkangiz o`yganim kamdek

Endi boshingizda g`amlarim dunyo.

Ilohiy malhamdek singib ketsaydim

Qadog`in olmoqchun qo`llaringizga.

Aziz otajonim,munis dildoshim

Dil mehrim poyondoz yo`llaringizga…

 

CHIN BAXT

 

Olis yo`llar… Uzun kunlar…Bedor tunlar

Qalbim yurar suzib xayol kemasida.

Qayga bormay,qaysi tilda so`zlamayin

Yurak kuylar Gurlanimning shevasida.

 

Nafsga boshim egib qo`ymam,tutarman tik,

Aylanmasman mol-u dunyo xumoriga.

Oltin ipli liboslarni teng ko`rmasman,

Onam yopgan o`n besh yillik ro`moliga.

 

 O`zga yurtning gullariga xushim yo`qdir,

Anglamaydi ular ko`nglim fig`onini.

Yuragimga qadab qo`yay tumor kabi

Xorazmimning cho`lda o`sar tikonini.

 

 Sirdosh do`stim oymomo ham olis yurtda

Menga qarab qavoqlarin uyib turar.

O`zbegimning jonga oro oymomosi

Yuragimning osmonida kulib turar.

 

 Mingta dardga davo bo`lar malham oqar

Qishlog`imning loyqa-loyqa soylarida.

Aziz emas o`zga yurtning gulzor, bog`i

Vatanimning sho`rlab yotgan joylaricha.

 

Har tomonga yugursam ham yeldek yelib,

Boshga qo`nmas o`zga yurtning xumolari.

Menga dunyo mehvaridan taxt kerakmas,

Chin baxtimdir yurtdoshlarim duolari.

 

 *******

Kongil so`qmog`ida yurib ketyapman,

G`amlardan boshimga topmay bir panoh.

Dardga oshyon tutgan majruh qalbimga

Ilohiy madad ber ey qodir olloh!

 

Dilga ziyo kirmas yorug` dunyodan,

Kuzgi xazonlardek so`ldi gul yuzim.

Gullar urug`ini ekdim deb o`ylab

Qalbimga tikonlar sanchibman o`zim.

 

Ne qilay,qismatim chidayveraman,

Dardlarimni aytib o`zim o`zimga.

Uzun yo`llardagi kichik bir sinov

Armonning tamg`asin bosdi ko`ksimga…

 

ORZUMDAGI ALPOMISHIM

 

 Orzularim osmonidan tushib pastga

Baxt gullarin eking ko`zim tuprog`iga.

Faqat xayol ummonida suzavermay

Quloq tuting bir bor qalbim titrog`iga.

 

Jannat bo`yli gulg`uncham deng,gulim deng

Dilbog`ingiz iforimga to`lib ketsin.

Mangu ishqni kuylaguvchi bulbulman men,

Xonishlarim qalbingizga mehrim eltsin.

 

 Siz shundayin tilsimotsiz,ko`zingizda

’’Orzu”nomli favvoralar oqib turar.

Har dam baxtdan kulib turar yuzingizda

Farishtalar nur nigoh-la boqib turar.

 

 Boshim egib o`tadurman bir umrga

Ishqoldida yerdan olmay kuragimni.

Qirqta emas,mingta jonim fido sizga

Bo`yningizga tumor qiling yuragimni.

 

 Orzumdagi Alpomishim begim mening

Yuragida uchar otlar dupuri bor.

Xayollarning osmonida balqsa ro`yo

Ko`nglimizning gulzoriga tushmas g`ubor…

 

YOR-YORLARSIZ DUNYONI TARK ETGAN QIZ

 

Bag`ri qondek qizg`aldoqsan-g`unchalari ochilmagan,

Sen Quyoshsan-ko`ngillarga dur,gavhari sochilmagan,

Qaro ko`zi yer o`psada,QALB ko`zlari yopilmagan,

Yor-yorlarsiz dunyoni tark etgan qiz.

 

Onaizor fig`onidan falak zor-zor yig`lab turar,

Bahordek pok orzulari kuz bag`rida ingrab turar,

Aytilmagan dilrozlari yor yuragin tig`lab turar,

Yor-yorlarsiz dunyoni tark etgan qiz.

 

 Osmonlarda uchib yurgan ota bag`ri qonga to`ldi,

Singlisini yerga qo`ygan akalarning rangi so`ldi,

Taqdir ekan go`shangaga tobut bilan kirar bo`ldi,

Yor-yorlarsiz dunyonitark etgan qiz.

 

YOMG`IRLAR

Yomg`irlar…

 

Siz buncha tozasiz,bunchalar sofsiz,

Iforiningiz g`arib ko`nglimga malham.

G`uborlarga qo`shib dunyo sathida

Yuvib keting mening yuragimni ham.

 

Qayg`u,gumonlarning qolmasin izi,

Dil-"ishonch”atalmish ezgu yo`l ochsin.

G`amlar bag`ridagi ko`nglim ufqida

"Baxt” quyoshi kulib,zarrin nur sochsin.

 

 BAG`RING OCHARMISAN

O`zga yurtda xatosini

 

 anglab yetgan Vatangadoning faryodi

Taqdirim gullarin o`z qo`lim bilan

Olis manzillarga yubordim sochib.

Ona tuprog`imning qadrin bilmadim,

 Qayga ham borardim nafsimdan qochib

Yuribman shu nafsning sahovatidan

Sochilgan tuzlarim cho`plamoq uchun.

Pulim yo`q jonimni berishga shayman,

Vatanim suvidan ho`plamoq uchun.

Tushimga kiradi har kuni bedor,

Onamning chehrasi,otamning bog`i.

Qalbim sog`inchiga qo`shilib yonar,

Hovlimning suvoqsiz,yoriq o`chog`i.

Qaniydi,qaniydi,bo`lsa qanotim,

Bir zum ham to`xtamay,uchib borardim.

O`zim iflos degan tuproq yo`llardan

Yurak,bag`rim bilan bo`sa olardim.

Qizim ,kechir meni,jonim qizgiam

Bir ota singari bo`lmadim tog`ing,

"Otam” deb y`limga intiqsan,zorsan,

Sog`inch-u alamga to`la qarog`ing.

O`glim,rozi bo`lgin,ko`zimning nuri,

Ollohim oldida dildan qasam ich.

Sen menga o`xshama,mendek yashama,

Mening xatoimni takrorlama hech.

Ko`zi ko`r bulbuling ko`rmoqda bugun,

Guldanda go`zalim,qalbi gulzorim.

Kechir,baxtimizni asray olmadim,

Armonga to`ladir,yurak,dilzorim.

Sen JANNAT ekan,kechirgin meni,

Tanimni qiymala,og`rimas jonim.

Ollohim sen tomon yo`llasa bir kun

Bag`ring ocharmisan,O`zbekistonim?!

 

 08.04.2014

ORZULAR OSHYONI

 

 Qani edi sayroqi bir qush bo`lsam,

Bor ovozda vatan madhin kuylasam.

Kuylaganda hamma menga lol qolsa,

Bundan jo`shib men ham kulib quvnasam.

 

Kamalakdek tovlanib osmon uzra bo`ylasam,

Yashnatar inson ko`zin yeti rangning jilosi.

Pok,beg`ubor qor bo`lib butun olam bezasam,

Shu qordek oppoq bo`lsa insonlarning orzusi.

 

Quloch yozib samolarni quchsam edi,

Qanot qoqib bulutlarga qo`nsam edi.

Shu orzular oshyonida kezadi mening qalbim,

Ushalsa gar mo`jiza yuz berar edi…

 

BEVAFO QUYOSH

 

Sevgi deb atalmish zarrin bir quyosh

Qalbim osmonida mag`rur porlardi.

Buyuk orzular-u,shirin xayol-la,

Baxtning makoniga meni chorlardi.

 

Bir kun quyosh chiqmadi,kutdim,

Ko`zim nurlarini tikdim yo`liga.

Sevgimning bog`lari,baxt gulzorlari

Aylandi oxiri sevgi ko`liga.

 

Barcha orzularim,shikasta ruhim

Shu ko`lda baliqdek suzib yuradi.

Bevafo quyoshning o`tli izlari

Yuragim,bag`rimni tilib turadi.

 

Hamon kutmoqdaman o`sha quyoshni,

O`tli zarralari yuragimdadir.

U balqib tursa ham o`zga osmonda

Baxtning manzillari tilagimdadir….

 

*****

Charchdim bu dimiq xonadan.

Har yonga otaman qog`ozni.

"O`zimni topaman,bo`ldi,bas”

Bo`g`zimga tiqilar ovozim.

 

Eshikni yopaman,”Hech kim yo`q”

Osaman bir parcha e`lonni.

Bilmabman,o`zimdan ketib men

Yuzidan o`pganim ilonning.

 

Nafs ilon.zahri hech bilinmas,

O`ralib boshga ham chiqarkan.

Ko`zida jdu bor,kuchsiz ham

Tog`dayin dilni ham yiqarkan.

 

Izladim o`zmni kun –u tun,

Bir toshga urildim,nogahon.

Zirqirab yig`ladi yuragim.

-"O`zimga qaytaaman,bas,tamom”

Eshikka qarayman”Hech kim yo`q”

Yirtaman,bu-nafsi e`lonni.

Angladim,o`zimni emas nen,

Yo`lida ekanman ilonning.

Xursandman bu fayzli xonada,

Quchoqlab o`paman qog`ozni.

O`zimni topdim men,baxtliman,

Tilimda jaranglar ovozim.

 

 JANNAT BOG`I

 

 Dunyoda bir yurtning barcha insoni

Qalbida mehrdan qurar ekan tog`,

Qurigan xaslar ham gul bo`lar ekan,

Bolasi onaga alla aytgan chog`.

 

 

Mehnatkash,mehmondo`st, sahiy,kamtarin,

Oliy fazilatlar bari bunda bor.

Quyoshdek charaqlab kulib turguvchi

Insonlar dilida mangulik bahor.

 

 

Husn-u chiroyiga oshiqdir dunyo,

Jilvasi ko`ngilning dardin oladi.

Bir bora havas-la kelgan har mehmon

Bu yurtni yurakdan sevib qoladi.

 

 

Qushlar misol erkin va hur insonlar

Qayerga bormasin ochiqdir yo`li.

Barcha ahil yashar,do`st,inoq yashar,

Hech qachon charchamas mehnatdan qo`li.

 

 

Dilda ezgulikdir,faqat yaxshilik,

Omad ham,olloh ham qo`llab turadi.

Baxtning madhin,iftixor-u shon madhin

Insonlar dilidan kuylab yuradi.

 

 

Tuprog`idan oltin unar, zar unar,

Shunday nodir,topilmas bir makondir.

Olam aro tengi yo`q makon nomi

Jannat bog`I degan O`zbekistondir.

 

 

Men O`zbek farzandiman

Men O`zbek farzandiman,

 

 

G`urur- dono ustozim.

 Or va nomus -akamdir,

Faxr- dildagi sozim.

Dilkash,mehribon opam

Hayo qalbim chirog`i.

Jajji singlim –Iboning

Yuragimda ardog`i.

Kamtar,sahiy-chin do`stim

G`amga botsam yupanchdir.

Qadrdonim Mehnat esa

Doim menga tayanchdir.

Qalbimga nur berguvchi

Qadr –mrning sirdoshim.

Mehr ota-onamdir

Har lahzada dildoshim.

 

 

MANGU BAHOR

 

 

Bugun dillar shoddir,obodsan yurtim,

Husn-u jamolingdan quvonar ko`zlar.

Istiqlol shaniga olqishlar aytib

Duoga hamnafas dildagi so`zlar.

Har yoning go`zaldir,jilvagar,chaman

Tinchlik shukuhidan kunlar charog`on.

Dunyoga madhingni kuylab yurguvchi

O`zbek bolasiga havasda jahon.

Qayerga uzatsak yetgaydir qo`llar,

Har tomon ochilgan imkon eshigi.

Onasan farzandin jondan suyguvchi

Yurakda mangudir qadr beshigi.

Har oila qo`rg`oni mustahkam,obod,

Olam munavvardir ko`zlarda quvonch.

Baxtlar makonining gulgun taftidan

Hayotga talpinar dillarda ishonch.

Yerni erkalovchi quyosh singari

Xalq boshin silaydi dono sarboni.

Obod zaminimning bag`rida doim

Tinch va baxtli o`tar umr karvoni.

Shamol shiddatidek oshar shuhrati,

Ilm-fan konidan dunyo bo`lar lol.

Olamda tengi yo`q O`zbekistonning

Mangulik bahori bo`lgin –ISTIQLOL!!!

OTAMNING DUOLARI

Qalbimni yoritar tanho bir nur bor,

Shu nur-la yo`llarim yorug`dir har dam.

Mayin bir sehri bor,sadolari bor,

Yangrasa jumbushga kelar bu olam.

Quyoshning nurlari ketar chekinib,

Bu nurning hayotbaxsh,otash taftidan.

Tunda oy hijolat tortadi hatto,

Yulduzlar sakrashar osmon kaftidan.

Shundayin qudratli,shundayin buyuk,

Bu nur-la chumoli devni qulatar.

Orombaxsh sehridan ko`ngillar yayrab

Mangulik muzlar ham suv bo`lib ketar.

Kerakmas,men uchun tog` qadar oltin,

Bu foniy dunyoning jilolaridir.

Dunyo boyligidan ustun bilganim

Mehribon otamning duolaridir.

 

SAHOVAT

 

Daraxtlardan yaproqlar emas,

Mening dardim to`kilar bir-bir.

So`lib qolgan gullar yanog`I

Xazon bo`lgan kulgularimdir.

Dilga yoqmas so`ngsiz shamollar-

Qalbimdagi faryod-u ohim.

Oqqush aytgin orzum yo`ldan

Kesib o`tdi qaysi gunohim?

Falak uzra cheksiz turnalar

Olib ketdi tuyg`ularimni.

Shodliklarim olib yurakdan

Joylab ketdi qayg`ularimni.

Tomchi-tomchi yog`ayotgan yomg`ir-

Mening darddan to`kkan ko`z yoshim.

Samo tinchin buzgan chaqmoqlar-

Alamlardan qiynalgan boshim.

Belidan kesilgan daraxtlar-

Yuragimning jarohatidir.

Ko`nglim uzra makon tutgan kuz

G`ururimning sahovatidir.

 

 

ONA QISHLOQ

 

 

Har kuni erta tong quchib quyoshni

O`tli yuzlaridan o`pib qo`yaman.

Ona yer chehrasin ochib uyqudan

Xizir suvlaridan sepib qo`yaman.

Qay tomon boqmayin,behisht bog`lari,

Soylarda o`ynaydi suvlar qiqirlab.

Bir chetda iymanib majnuntol sekin

Soylarga so`ylaydi dardin pichirlab.

Mayin shamol tursa qilib injiqlik,

Burglar ergashadi soyam izidan.

Yomg`ir yog`ib o`tsa butun bir borliq,

Yorishib ketadi gulob isidan.

Arg`imchoq uchirib qaytaman deya,

Gujumlar qo`limdan tortib ketadi.

Sarvqomat teraklar dilrozlaridan

Qalbimda hayajon ortib ketadi.

O`zimni uraman gulzorlariga,

Bag`ri qon lolaga tutashgan dilim.

Gul bilan sozlashar suhbatlarimni

Ta`riflab berishga ojizdir tilim.

Bir so`lim jiydazor uzun yo`llardan

Yursam ayamayman oyoqlarimni.

Quyoshga hamohang gavharshodadan

Uzib ololmayman nigohlarimni.

Dalada oqqushlar turar saf tortib,

Kuz kelib ochilsa oltin hirmoni.

Quyoshda qoraygan gulgun yanoqlar

Olqishlab yuradi baxtli zamonni.

Meni chorlaydilar gulgun yanoqlar,

Qo`l bilan ko`rishib chiqaman bir-bir.

Qadoq qo`llari-yu qoraygan yuzlar

Qaro mehnatining nurli izidir.

Zanggorrang osmoni kaftimda go`yo,

Quyoshjon men bilan suhbat quradi.

Mening taftdoshlarim,sevganim deya

Zarrin nurlarini sochib turadi.

Dilda ardoqligim ona qishlog`im,

Eng buyuk so`zlarim senga atalgan.

Mehnatga jo bo`lgan qadoq qo`llarning

Tikkan ko`z tumori dilga qadalgan.

Meni duo qilib tursang bo`lgani,

Ilhomim maskani-dilistonginam.

Seni olam aro tanitmasam gar-

Qizim dema meni-Gulistoginam!