2019-2020-o`quv yili yakunlanib (16-mart - 25-may kunlari onlayn ta'lim) o`quvchilar ta'tilga ketgach ularda (matematika faniga ixtisoslashgan sinflar) matematika faniga bo`lgan qiziqshlarini inobatga olgan holda onlayn test topshiriqlari berilib natijalari e'lon qilinib borildi. Iyul oyi o`rtalariga kelganda esa ular o`rtasida onlayn olimpiadalar yo`lga qo`yildi. Har haftada bir marotaba onlayn olimpiadalar tashkil qilindi. Onlayn olimpiadalar 2 turda, ya'ni yozma ish (5 ta misol va masala) hamda test sinovi ( 25 ta javobi belgilanadigan test) bo`yicha o`tkazildi. Bunda  "Bilimlar bellashuvi" viloyat bosqichi materiallaridan foydalanildi. Yangi o`quv yili boshlanishigacha 6 ta onlayn olimpiadalar o`tkazilib shu olimpiadalarda umumiy to`plagan ballariga ko`ra g`olib o`quvchilar aniqlandi va ular o`quv yili boshida maktab faxriy va maqtov yorliqlari bilan taqdirlandilar.
2020-2021- o`quv yili mobaynida 6 ta sinov olimpiadalar, Qo`qon olimpiadasi saralash bosqichi, Al Xorazmiy olimpiadasi saralash bosqichi, "Qizlar matematika olimpiadasi", "Yigitlar matematika olimpiadasi" o`tkazildi. G`olib o`quvchilar maktab faxriy va maqtov yorliqlari, sovg`alar bilan taqdirlanishdi. O`quv yili boshida OTM larga kirish test sinovlarida qatnashgan o`quvchilarimizning ham matematika bo`yicha natijalari quvonarli bo`ldi. Jumladan Boboxo`jayeva Lobar 30 tadan 30 ta, Kenjayeva Shahrizoda 29 ta, va boshqa o`quvchilar natijalari ham OTM talabasi bo`lishi uchun yetarli bo`ldi. Umuman maktabimizning 26 nafar bitiruvchisidan 10 nafari talabalik baxtiga musharraf bo`ldi. Al Xorazmiy olimpiadasi tuman bosqichida 7-sinf o`quvchisi O`razmetov Jo`rabek, Qo`qon olimpiadasi tuman bosqichida 7-sinf o`quvchisi Yangiboyev Bunyodbek g`oliblar safidan joy olishdi va ushbu olimpiadalar viloyat bosqichida ishtirok qildilar. Urganch Davlat Universiteti tomonidan o`tkazilgan onlayn olimpiada A (5,6-sinf) guruhida shu kungacha bo`lgan natijalarga ko`ra eng yuqori ball to`plab turgan 12 nafar o`quvchidan 7 nafari: 5-sinf o`quvchisi O`razmetov Mirjalol, 6-sinf o`quvchilari Ismoilov Og`abek, Yangiboyev Shohruz, Yangiboyev Ne'matjon, Otaxanov Javohir, Aminboyeva Durdona, Atajanova Zuhra; B (7,8-sinf) guruhida 11 nafar o`quvchidan 7 nafari: 8-sinf o`quvchisi Raximboyeva Shodiya, 7-sinf o`quvchilari Yangiboyev Bunyod, Amanboyev Odilbek, Tursunboyev Sanjarbek, Nazarboyev Otanazar,  Davlatboyev Azizbek, O`razmetov Jo`rabek lar bizning maktab o`quvchilari ekanligi quvonarli holdir. O`ylaymizki bu o`quvchilarimiz onlayn olimpiada yakuniy natijalariga ko`ra ham g`oliblar safidan joy olib URDU da o`tkaziladigan offlayn olimpiadaada qatnashadilar.