Maktabimizda 4 mart kuni "Mart oyi- tabiiy fanlar oyligi" munosabati bilan hududiy seminar o`tkazildi. Shu kuni barcha sinflarda dars mashg`ulotlari "Ochiq" deb e'lon qilindi. TXTB metodisti Fazilat Matyakubova yaqin hududda joylashgan biologiya, fizika, kimyo ustozlari tashrif buyurdilar va ochiq darslarda, tadbirlarda ishtirok etishdi. Seminar doirasida Yangiobod, Guliston. Zarbdor, Namuna hududlarida joylashgan maktab o`quvchilari o`rtasida "Fizikada olam mujassam" mavzusida rasm tanlovi o`tkazildi. Unda maktabimiz 6-sinf o`quvchisi Gulmirzayeva Dilnoza faxrli I-o`rinni egalladi va TXTB ning faxriy yorlig`i bilan taqdirlandi. Biologiya fani o`qituvchisi Hurmat Jumaniyazov tomonidan tayyorlangan tadbir seminar ishtirokchilarida chuqur taassurot qoldirdi. Unda 7- va 8-sinf o`quvchilari o`rtasida "O`yla, izla, top !" musobaqasi o`tkazildi. Musobaqada faol ishtirok etgan o`quvchilar maktab faxriy yorliqlari bilan taqdirlandilar.