Gurlan tumanidagi  41–umumiy o`rta ta’lim maktabi jamoasi 2014-yilning 23 - dekabr kuni maktabda boshlang`ich sinf o`qituvchilari uchun  seminar tashkil qildi. Unda tuman XTMFMTTEB  metodisti Rayhon Xo`janiyozova, tajribali, yosh hamda mahoratli  o`qituvchilar ishtirok etdi. Seminarda maxsus kun tartibi belgilab olindi. Shu tartib bo`yicha trening olib borildi.  Seminar "Zamonaviy ko`rgazmali qurollar, ilg`or pedagogik texnologiyalardan foydalanib dars o`tishni  o`rgatish va o`rganish” mavzusida bo`lib o`tadi. Unda "Mahorat maktabi” dasturi va uning amaldagi ko`rinishi; "O`rgan- o`rgat” tadbirining ta`lim jarayonidagi ahamiyati; o`qituvchi odobi va kiyinishi; ta`limda axborot-kommunikatsiya texnologiyalarining o`rni va undan boshlang`ich sinflarda foydalanish haqidagi masalalarga chuqurroq to`xtaldi. Bularning amaliy isbotini bilish maqsadida boshlang`ich sinf o`qituvchilarining dars jarayoni kuzatildi.

 1-sinf Qurbonboyeva Oygul  alifbe darsidan "Pp harfi va Pp tovushi” 

2-sinf Matmuratova Saida o`qishfanidan "Qorning ko`p xosiyati bor” 

3-sinf Yusupova Gulasal  matematika fanidan "Rim raqamlari”

4-sinf Masharipova Mahfuza  ona tili fanidan "Qaratqich va tushum kelishigi” mavzulardagi darslarni kuzatishdi.

Dars jarayoni tugagach boshlang`ich sinf o`quvchilari ishtirokida "Yangi yilim – yaxshi yilim” deb nomlangan bayram tadbiri o`tkazildi.

O`quv seminar yakuniy tahlili qilindi.  Unda tajribali ustozlardan Rayhon Xo`janiyozova,  Davletova Sharofat o`qituvchilarning dars o`tish mahorati, o`quvchilar bilimi, AKT dan foydalanish, o`qituvchining darsda o`zini qanday tutishi,  uning  eng asosiy yutug`i qayerda, eng asosiy kamchiligi qayerda ekanligi haqida fikr mulohazalar yuritishdi. Yosh o`qituvchilar esa o`zlariga kerakli bo`lgan nimanidir olganliklari haqida gapirishdi. 

  Umuman olganda seminar tashkilotchilarining ham kuzatuvchi ustozlarning ham maqsadi bir ya`ni har tomonlama yetuk, mustaqil fikrli, bilimga chanqoq, ziyrak va zehnli bolalarni tarbiyalashdir. Prezidentimiz I.A.Karimov aytganidek, "Oldimizdagi asrimiz moddiy boyliklar asri emas, balki, ma`naviy boyliklar asri bo`ladi. Ma`nanaviy jihatdan boy bo`lgan joyga, moddiy boylik o`z-o`zidan oqib kelaveradi". 

Shunday ekan, yosh avladni tarbiyalashda, ayniqsa, boshlang`ich sinf o`qituvchilaridan katta mas`uliyat va tinimsiz izlanish talab qilinadi.

 

                                                  Yusupova Gulasal, boshlang`ich sinf o`qituvchisi