Matematika  fanidan  ,,Bilimlar  bellashuvi’’  tuman,  viloyat  bosqichlarida  ishtirok  etib,  faxrli  o`rinlarni  qo`lga  kiritishimda  ushbu  masalalarni  yechishda  bo`lgan  bilim  va  tajribam  asosiy  tayanch  bo`ldi. Bunday  bilimga  ega  bo`lishimga  eng  avvalo   ne-ne  buyuk  daholarni  olam  ahliga  taqdim  etgan  O`ZBEKISTONdek  mustaqil  davlatda  yaratilgan  imkoniyatlar  asosiy  sababdir. Al-Xorazmiy,  Al-Beruniy,  Al-Farg`oniy  kabi  buyuk  zotlar  vatanida  tug`ilganim  mening  eng  katta  baxtim  deb  bilaman.

Men   tuman,   viloyat  miqyosidagi  tanlovlar  g`olibi  bo`lishimga  asosiy  sabab  tizimli  va  uzluksiz  ravishda  olib  borilgan  tayyorgarlik  jarayonidir. Qolaversa,  maktabimizda  tashkil  etilgan  to`garak  mashg`ulotlariga  muntazam  ravishda  qatnashish,  o`z  fikr va  mulohazalarimni  tengdoshlarim  bilan muzokara  jarayonida  yanada sayqallanganidir.  To`garak  mashg`ulotlari  ustozim  Kenjayev  Bahodir  tomonidan  olib  boriladi.  Bu  jarayonda  men  ustozimning  bilim  va  tajribasidan  andoza  olishga  harakat  qilaman.

Kelajakdagi  orzuim  ustozim  kabi  matematika  o`qituvchisi  bo`lib,  yurtimiz  yoshlariga  ajoyib  fan  saboqlarini  berish.  Matematika  fanining  rivojiga,  o`quvchilar  qiziqishini  ushbu  fanga  nisbatan  ortishiga  hissa  qo`shish.  Eng  asosiysi,  Al-Xorazmiy  bobomizga  munosib  farzand  bo`lishdir.

Men  kabi  yuksak  marralarni  zabt  etishni  niyat  qilgan  yosh  matematiklarga  ushbu  qo`llanma  bilan  tanishib  chiqishni  tavsiya  qilaman.Ushbu  qo`llanma  bilan  tanishib  chiqqan  har  bir  inson  matematika  fanining  jozibasini  teranroq  anglaydi va  fanga nisbatan  qiziqishi  ortadi  deb  o`ylayman.