Gurlan tumanidagi 42-maktabda o`tkazilgan "Quvnoqlar va zukkolar" musobaqasi I-bosqichida muvaffaqiyatli ishtirok etib hal qiluvchi final qismida ishtirok etgan maktabimiz o`quvchilari tumanda I-o`rinni egallashdi. Bunda 9-sinf rahbari, biologiya fani o`qituvchisi Hurmat Jumaniyazovning hissasi katta. U 8,9-sinf o`quvchilari ichidan iqtidorli o`quvchilardan ajoyib jamoa shakllantirdi. Bugungi bellashuvda  9-sinf o`quvchilari O`rolov Xursand, Po`latov Bobur, Safarboyev Umarbek, Alimboyev Zafar, Ismoilov Hamidjon, 8-sinf o`quvchilari Jumaniyazov Jo`rabek, Rimboyev Nodirbek, Erkayev Jonibeklar bor bilim, iqtidorlarini namoyish etib  shunday yutuqqa erishdilar.Maktabimiz o`quvchilari 2012-2013-o`quv yilida ham shunday yutuqqa erishgan edilar. Maktabning "Komediya” guruhi o`shanda tumanda tengsiz deb topilgan edi.