2017 yil 28 oktabr kuni maktab ma'naviyat zalida  "Jaholatga qarshi ma’rifat”  turkumidan "Ota-ona hurmati va e’zozi, farzandlarning burch va vazifalari”  mavzusida  yig`ilish o`tkazildi. Yig`ilishda Gurlan tuman bosh imom xatibi Habibullayev Mahmudjon,  4  nafar o`qituvchi, 89 nafar yuqori sinf o`quvchilari , jami 94  kishi qatnashdi.  

      Yig`ilishni  maktab ma’naviy-ma’rifiy tarbiya ishlari bo`yicha direktor o`rinbosari B. Kenjayev ochib berdi. U yig`ilish  mavzusi va va ma’ruzachi bilan tanishtirdi.

     Yuqoridagi masala yuzasidan  Gurlan tuman bosh imom xatibi Habibullayev Mahmudjon belgilangan ma’ruza matni asosida o`quvchilarga tushuncha berdi. Ma’ruzachi o`z ma’ruzasida "Islom dinida doimo bir-birlariga yaxshilik qilishga amr qilinganligi, jumladan, dunyoga kelishiga sababchi bo`lgan ota-onasiga yaxshilik qilish lozimligi buyurilgan. Ota-ona har bir inson uchun juda mo`tabar, e’zozli ulug` kishilardir. Ota-ona kim bo`lishidan qat’iy nazar, ularni hurmat-ehtirom bilan ularga yaxshilik qilish har bir farzand uchun zarur vazifalardandir…  Muhtaram ota-onalar farzandlari kamoli, ularning chin inson bo`lib ulg`ayishlari, ta’lim-tarbiya olishlari, kasb-hunar o`rganishlari yo`lida jonlarini, mollarini, kuch-g`ayratlarini safarbar etishadi. O`g`il qizlarining axloq-odobini, ilm-salohiyatini o`nglashadi… Bizni dunyoga keltirib, avaylab o`stirgan, nimani xohlasak, muhayyo   qilgan, bizlarga odob-axloqni va kasb-hunarni o`rgatgan, ilm bergan, hayotga yo`llagan, uylab-joylagan, odamlar qatoriga qo`shgan, umrlari nihoyasigacha ardoqlagan ota-onalarni hurmatlash, ularga yaxshilik qilish, mehribonlik ko`rsatish har bir insonning eng sharafli burchi sanaladi.”

     Ma’ruza yuzasidan o`quvchilardan L. Boboxo`jayeva, B. Gulmirzayev,  S. Ataxanova, L.Raximboyeva,  Q. Boboxo`jayev, M. Jumaboyeva,D. Bobojonov o`zlarini qiziqtirgan savollar bilan murojaat qilishdi. Ma’ruzachi berilgan savollarga atroflicha to`xtalib javob berdi. O`quvchilar tadbirdan o`zlariga ma’naviy ozuqa olishdi. Keyingi oy-noyabr oyida bo`lib o`tadigan yig`ilish mavzusi "Ustozlarga hurmat, ularni qadrlash” haqida ekanligi ma’lumot uchun aytildi.

   Yig`ilishni maktab ma’naviy-ma’rifiy tarbiya ishlari bo`yicha direktor o`rinbosari B. Kenjayev yopiq deb e’lon qildi.