Shu yilning 25-yanvar kuni tumandagi 1-umumiy o`rta ta’lim maktabida "O`yla, izla, top !” musobaqasi tuman  yakuniy final bosqichi o`tkazildi. Unda qishlog`imizda joylashgan 29- va 41- maktablar o`quvchilaridan tashkil topgan "Birlashgan” , tumandagi 1-,6-, 19- maktablar o`quvchilaridan tashkil topgan "Taraqqiyot” va tumandagi 9-, 26-, 27- maktablar o`quvchilaridan tashkil topgan "Nihol” guruhlari  o`zaro musobaqalashdilar. Musobaqada 41-umumiy o`rta ta’lim maktabi direktor o`rinbosari Bahodir Kenjayev boshlovchilik qildi. Musobaqada fanlar uchta guruhga ajratilib har guruhdan bittadan fan guruh sardorlari tomonidan tanlandi. Unga asosan guruhlar matematika, musiqa, geografiya fanlaridan o`zaro bahsga kirishishi aniqlandi. 

    Musobaqa quyidagi shartlar asosida o`tkazildi:

1.    Jamoaning tanishtiruv qismi (5 daqiqa, 7 ballik tizimda baholanadi)

2.    Umumiy o`rta ta’lim bo`yicha 16 ta fandan saylangan 3 ta fan bo`yicha 21 ta savolga javob berish

a)    Matematika. Masala ( 5 daqiqa, 7 ball)

b)   Geografiya. Tezkor savol javob( 7 ta savol, 7 ball)

c)    Musiqa. Tezkor savol-javob ( 7 ta savol, 7 ball)

3.     "Bahri bayt”. (5 daqiqa, 7 ball)

4.    Boshqotirma.  (5 daqiqa, 7 ball)

5.    Rasmga qarab hikoya tuzish (ingliz tilida, 10 daqiqa, 7 ball) 

Musobaqada matematika fanidan masala "Abituriyent” gazetasidan olingan bol`sa, geografiya va musiqa fanlaridan oldindan tayyorlangan va guruhlarda oldindan mavjud bo`lgan 100 tadan savollar ichidan olindi. Musobaqada musiqa fanidan guruhimiz o`quvchisi past ball top`lashiga sabab musiqa fani bo`yicha faqat ikki nafar o`quvchi tayyorgarlik qilgani va ular ham matematika, geografiya fanidan musobaqada qatnashishi ma’lum bo`lgach tayyorgarlik ko`rmagan o`quvchi bahsda qatnashgan va past ball top`lagan. Bunda barcha ayb ikki maktab yetakchilari zimmasiga tushadi. Chunki ular aynan shu holda ya’ni matematika va geografiya fanlari bo`yicha bellashuv o`tkazilishi ma’lum bo`lgan holda uchinchi bir o`quvchi musiqa fanidan guruh sha’nini himoya qilishi kerakligini e’tiborga olmagan. Rasmga qarab hikoya tuzish shartida o`quvchimiz berilgan rasmga doir hikoya tuzishi kerak bo`lgani holda mavzuga yetarlicha yondashib hikoya tuza olmagan, Ona tili va adabiyoti, ingliz tili fani o`qituvchilari o`quvchilarda hikoya tuzish bo`yicha bilim, ko`nikma, malaka hosil qilishlari talab etiladi. Boshqotirma shartida ham o`quvchimiz yaxshi qatnasha olmadi. Lekin shuning bilan bir qatorda "Bahri bayt” shartida o`quvchimiz raqiblari bilan teng kurasha olganligini, matematika va geografiya fanlaridan guruhimiz sha’nini himoya qilgan o`quvchilar raqiblaridan ustun kelganligini ham e’tirof etish kerak. Yakunda "Birlashgan” guruhi tumanda ikkinchi o`rinni egalladi.    

       Bellashuvda1-,6-,19-maktablar o`quvchilaridan tuzilgan "Taraqqiyot”  guruhi 

g’olib bo’ldi va viloyatdagi tumanlar o`rtasida bo`lib o`tadigan musobaqada tumanimiz sharafini himoya qiladilar.Biz bu jamoaga ushbu musobaqada omad tilab qolamiz !.

"Birlashgan” guruhi a’zolari:

1.     Erkayev Jonibek(41-maktab, 9-sinf , rasmga qarab hikoya tuzish shartida guruh sha’nini himoya qildi, guruh sardori);

2.     Xaytboyev Xumoyun(41-maktab, 9-sinf, matematika fanidan guruh sha’nini himoya qildi)

3.     Sobirov Sirojiddin(29-maktab, 9-sinf)

4.     Davlatboyev Shahzod(41-maktab, 9-sinf, boshqotirma sharti bo`yicha  guruh sha’nini himoya qildi)

5.      Atajanov Og`abek(41-maktab, 9-sinf,  geografiya  fanidan guruh sha’nini himoya qildi)

6.     Qurolboyeva Maftuna(29-maktab, 8-sinf, "Bahri bayt” sharti bo`yicha guruh sha’nini himoya qildi)

7.     Xaytboyeva Shahodat(41-maktab, 8-sinf, musiqa fanidan guruh sha’nini himoya qildi)

 

"Nihol” guruhi a’zolari:

1.     Eshimmetov Jamshid(27-maktab, 9b-sinf)

2.     Matsapayeva Feruza(27-maktab, 9a-sinf)

3.     Haydarova Muhsina(26-maktab, 9d-sinf)

4.     Aminova Xosiyat(26-maktab, 9a-sinf)

5.     O`razboyev Sanjar(9-maktab, 9a-sinf)

6.     Aminova Lobar(9-maktab, 9a-sinf)

7.     Sobirova Gulzira(9-maktab, 9a-sinf)

 

"Taraqqiyot” guruhi a’zolari:

1.     Soliyeva Maftuna(6-maktab, 9-sinf)

2.     Amanboyev Qahramon(6-maktab, 9-sinf)

3.     Iskandarova Umida(6-maktab, 9-sinf)

4.     Sobirova Dildora(1-maktab, 9-sinf)

5.     Soliyeva Aminajon(6-maktab, 9-sinf)

6.     Zaripova Laylo(6-maktab, 9-sinf)

7.      Umrboyev Yashnarbek(19-maktab, 8-sinf).

 

               Yuqorida nomlari zikr etilgan barcha o`quvchilar Gurlan tumani XTMFMTTEB faxriy yorliqlari bilan taqdirlanadi.

Maktab   Fan	Tanishtiruv	Matematika	Musiqa	Geografiya	Bahri bayt	Boshqotirma	Hikoya tuzish	Jami ball
Birlashgan	6	6	1	7	7	4	4	35
Nihol	6	4	1	4	7	2	2	26
Taraqqiyot	6	4	6	6	7	7	6	42