VATANIM

Ko`zlarim  dunyoga solganda  nazar,

Seni  ko`rib ko`ngil  to`lar  quvonchga.

Shundayin  go`zal yurt  bo`lurmi  azal,

Bu  yurtning orzusi  tutash  ishonchga.

Gurlan tumani 41–umumiy o`rta ta’lim maktabi o`quvchilari tomonidan

2013 – 2014 -  o`quv yilida viloyat  va respublika miqyosidagi tanlovlarda erishilgan

Y U T U Q  va   M U V A F F A Q I Y A T L A R.

1.     "Vatan uchun yashaylik” Respublika she’riyat ko`rik-tanlovi viloyat bosqichi.

Amatova Gulasal( 9 – sinf) – g`olib.

VXTB va O`zbekiston Yozuvchilar uyushmasi Xorazm viloyat bo`limi faxriy yorlig`i bilan taqdirlandi.

  Bir og`ir karvonni olib ketyapman

G`amlardan kuyib men hijron cho`lida.

Majruh yuragimda dardning tikoni

Nishon izlayapman qalbing yo`liga.

Sening qadamingda jannati gullar

Xush bo`yin qiladi olamga ko`z-ko`z.

Mening qadamimda ingrar xazonlar

Armonni quchoqlab faryod chekar kuz.

Yig`layman…ko`zimdan ko`zyoshlar emas,

Dilda dardlrimdan qonlar oqadi.

Qalbimda bo`y cho`zgan armon gullari

Maysiz jom singari unsiz boqadi.

Juda uzun-uzun yo`ldan ketyapman ,

Bir nishon topmasdan qalbingga tomon…

Maxzun xayolimda yashaysan mungu,

Sening mehring menga bo`lsa ham armon.