Davlat gerbi
Davlat bayrog'i
Davlat madhiyasi
gurlan41.uz
«Kuch bilim va tafakkurda.»
I. A. Karimov
I. A. Karimov
Yangiliklar :: Qizlar matematika olimpiadasi
8-03-2020, 13:57
Maktabimizda 5-mart kuni "Qizlar matematika olimpiadasi" o`tkazildi. Olimpiada 5-7-sinf o`quvchilar toifasi va 8-11-sinf o`quvchilar va abituriyentlar toifasida o`tkazildi. 5-7-sinf o`quvchi qizlar toifasida o`quvchilarning mantiqiy, qiziqarli, nostandart masalalardan tuzilgan (25 ta test) test savollari bo`yicha bilimdonligini aniqlashga, 8-11-sinf, abituriyentlar toifasida asosan o`quvchilarning matematika fanidan oliy o`quv yurti kirish test savollariga tayyorgarlik darajasini sinovdan o`tkazish (30 ta test, har bir to`g`ri javob 3,1 ball) va o`quvchilarning mantiqiy, qiziqarli, nostandart masalalardan tuzilgan (15 ta test, har bir to`g`ri javob 2,1 ball) test savollari bo`yicha bilimdonligini aniqlashga qaratildi. Bu olimpiadani o`tkazishdan asosiy maqsad matematika fanidan kuchli bilimga ega o`quvchi qizlarni "8-mart - Xalqaro xotin-qizlar kuni" bayramida rag`batlantirish, hurmatini joyiga qo`yish edi. Yakunda 45 ta test savolidan 45 tasiga ham to`g`ri javob topgan shu maktabning 11-sinf o`quvchisi Boboxo`jayeva Lobar 124,5 ball to`plab I-o`rinni egalladi. G`olib o`quvchi maktab faxriy yorlig`i, bayram sovg`asi va homiylar tomonidan 100 000 so`m pul mukofoti bilan taqdirlandi.
Yangiliklar :: Tuman fan olimpiadasi yakunlandi
13-01-2020, 17:26
2019-2020- o`quv yili II tur tuman fan olimpiadasi yakunlandi. Olimpiadada Maktabimiz o`quvchilaridan ikki nafari 11-sinf o`quvchisi Boboxo`jayeva Lobar, 9-sinf o`quvchisi Jumaboyeva Mohinur I o`rinni, 10-sinf o`quvchisi To`liboyeva Zubayda II o`rinni, 10-sinf o`quvchisi Gulimmatova Rayxon III o`rinni, O`rolboyev Suhrobjon III o`rinni egallashdi.
Yangiliklar :: "Bilimlar bellashuvi" 1-sinov bosqichi o`tkazildi
3-11-2019, 14:24
Matematika faniga ixtisoslashtirilgan 5a-, 6a-sinflarda matematika fanidan "Bilimlar bellashuvi" 1-sinov bosqichi o`tkazildi. 2019 yil 25-26-oktabr kunlari o`tkazilgan sinovda 5a-sinfning 21 nafar o`quvchisi qatnashib unda Aminboyeva Durdona 1-, Otaxanov Javohir 2-, Ataxanov Asadbek, Gulmirzayev Behruz 3-o`rinni egalladilar va maktabning faxriy va maqtov yorliqlari bilan taqdirlanishdi. 2019 yil 1-2-noyabr kunlari 6a-sinfda o`tkazilgan bellashuvda shu sinfning 25 nafar o`quvchisi va 7,8,9,10-sinflardan 12 nafar, jami 37 nafar o`quvchi bilimlarini sinovdan o`tkazdilar. Bellashuvda g`olib bo`lgan 6-sinf o`quvchilari: O`razmetov Jo`rabek (1-o`rin) , Davlatboyev Azizbek (2-o`rin), Yangiboyev Bunyod (3-o`rin) maktab faxriy va maqtov yorliqlari bilan taqdirlanadigan bo`lishdi.
Yangiliklar :: Mirzo Ulug‘bek nomidagi matematika olimpiadasi Buxoroda o‘tkazildi
28-10-2019, 15:22
O‘zbekiston Respublikasi Xalq ta’limi vazirligi va Buxoro viloyati hokimligi hamkorligida 25-26 oktabr kunlari Buxoro shahridagi 1-ixtisoslashtirilgan davlat umumta’lim maktabida Mirzo Ulug‘bek nomidagi matematika olimpiadasi (qo`shimcha respublika olimpiadasi) o‘tkazildi.
Mazkur olimpiada O‘zbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi hamda “Matematika ta’limi va fanlarini yanada rivojlantirishni davlat tomonidan qo‘llab-quvvatlash, shuningdek O‘zbekiston Respublikasi Fanlar akademiyasining V.I.Romanovskiy nomidagi Matematika instituti faoliyatini tubdan takomillashtirish chora-tadbirlari to‘g‘risida”gi qarorlarida belgilangan vazifalar ijrosini ta’minlash maqsadida tashkil etildi. Olimpiada umumiy o‘rta ta’lim muassasalarida matematika faniga qiziqishi yuqori bo‘lgan iqtidorli o‘quvchilar o‘rtasida bo‘lib o‘tdi.
Mazkur olimpiada O‘zbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi hamda “Matematika ta’limi va fanlarini yanada rivojlantirishni davlat tomonidan qo‘llab-quvvatlash, shuningdek O‘zbekiston Respublikasi Fanlar akademiyasining V.I.Romanovskiy nomidagi Matematika instituti faoliyatini tubdan takomillashtirish chora-tadbirlari to‘g‘risida”gi qarorlarida belgilangan vazifalar ijrosini ta’minlash maqsadida tashkil etildi. Olimpiada umumiy o‘rta ta’lim muassasalarida matematika faniga qiziqishi yuqori bo‘lgan iqtidorli o‘quvchilar o‘rtasida bo‘lib o‘tdi.
Yangiliklar :: Olimpiada viloyat bosqichi g`oliblari taqdirlandi.
27-04-2019, 14:33
Maktabimiz 10-sinf o`quvchisi Lobar Boboxo`jayeva matematika fanidan “Fan olimpiadasi” viloyat bosqichida 100 imkoniyatdan 89 ball to`plab 3-o`rinni egalladi va VXTB ning III darajali diplomi va medali bilan taqdirlandi. Olimpiada yozma ish shartida 50 balldan 49 ball to`plab birinchi natija ko`rsatdi.
VXTB va UrDU tomonidan yuqori sinf o`quvchilari o`rtasida o`tkazilgan “Muhammad al-Xorazmiy” matematiklar olimpiadasi dastlabki saralash bosqichi 1-o`rin ( viloyatning 447 nafar 10-11- sinf o`quvchilari ishtirok etgan), yakuniy bosqichda 5-o`rinni egallagan. VXTB, UrDU va Yoshlar ittifoqi Xorazm viloyat kengashi diplomi va qimmatbaho sovg`asi (USB 3.1 Gen 1 PORTABLE HARD DRIVE) bilan taqdirlandi.
VXTB va UrDU tomonidan yuqori sinf o`quvchilari o`rtasida o`tkazilgan “Muhammad al-Xorazmiy” matematiklar olimpiadasi dastlabki saralash bosqichi 1-o`rin ( viloyatning 447 nafar 10-11- sinf o`quvchilari ishtirok etgan), yakuniy bosqichda 5-o`rinni egallagan. VXTB, UrDU va Yoshlar ittifoqi Xorazm viloyat kengashi diplomi va qimmatbaho sovg`asi (USB 3.1 Gen 1 PORTABLE HARD DRIVE) bilan taqdirlandi.
Maktabimiz faxrimiz
Gurlan tumanidagi 41-son U.O`.T. maktabi.
Ko'p o'qilgan
Bo'limlar
2014 © Xorazm viloyati Gurlan tumani 41-son umumiy o'rta ta'lim maktabi
Saytdagi qisman yoki to'liq foydalanganda ushbu sayt manbaasi ko'rsatilishi shart.
Sayt XVKM tomonidan ishlab chiqildi
Saytdagi qisman yoki to'liq foydalanganda ushbu sayt manbaasi ko'rsatilishi shart.