"Kitob-mening do`stimsan” mavzusidagi ko`rik tanlov o`tkazish to`g`risidagi yo`riqnomada O`zbekiston Respublikasi Prezidentining 2017-yil 13-sentabrdagi “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ’ib qilish bo’yicha chora tadbirlar dasturi to’g’risida”gi PQ-3271-son qaroriga muvofiq umumiy o`rta ta’lim maktablari boshlang`ich sinflarining 4-sinf o’quvchilari o’rtasida “Kitob-mening do`stimsan”mavzusida 3 bosqichli ko`rik tanlovni tashkil etish va o`tkazish belgilangan. Ko`rik tanlovni o`tkazishdan asosiy maqsad: Boshlang`ich sinf o`quvchilari o`rtasida kitob mutolaasi va kitobxonlik madaniyatini oshirish,ularning intellektual va ma’naviy saviyasini yuksaltirish,kitob o`qishga bo’lgan qiziqishi,intilishini qo`llab-quvvatlash,kitobxonlikni rivojlantirish orqali ularning Vatanimiz tarixi,milliy va umuminsoniy qadriyatlar haqidagi tushuncha va bilimlar ko’nikmalarini rivojlantirish,milliy hamda jahon adabiyoti durdonalarini targ`ib etish va maktablarda kitobxonlik to`garaklari faoliyatini rivojlantirish.
Ko`rik tanlovda qatnashuvcilar 4 ta shart bo’yicha bellashdilar.
1-shartda o`quvchilarning ota-onalari o`zi hayoti davomida o`qigan kitoblari ro`yxatini tayyorlab berdi.O`qigan badiiy adabiyotlari orasida o`ziga eng yoqqan asarlarining mazmun-mohiyati haqida ma’lumot berishdi.
2-shartda Qatnashuvchi o`quvchilar hakamlar hay’ati tomonidan tayyorlangan 5ta savollarga javob berishdi.
3-shartda O`quvchilar o`zi o`qigan ertak yoki hikoya mazmuni aks etgan rasm chizishdi.
4-shartda O`qigan badiiy kitoblari orasida o`ziga eng yoqqan ertak yoki hikoya mazmuni haqida ifodali qilib sozlab berdi.
Tanlovda 4-sinf o`quvchisi Gulmirzayev Behruzbek 39 ball to’plab 1-o`rinni egalladi va tanlovning tuman bosqichida qatnashishi bildirildi. Mehnat fani o`qituvchisi O.Qurbonboyeva tanlovning murosasiz bo`lganligi va 4-sinf o’quvchisi Gulmirzayev Behruzbek tuman bosqichida qatnashib maktabimiz sharafini munosib himoya qilishini ta`kidladi.
Maktabda o`tkazilgan tanlovda faol ishtirok etib 1-o`rinni egallagan Gulmirzayev Behruzbek sinf rahbari Yaxshimova Feruza va kutubxonachi O`tamuratova Xurshida tomonidan tuman bosqichiga tayyorgarlik ko`rishi va tuman bosqichida ishtirokini ta`minlash vazifasi yuklatildi.