Maktabimiz 10-sinf o`quvchisi Lobar Boboxo`jayeva matematika fanidan “Fan olimpiadasi” viloyat bosqichida 100 imkoniyatdan 89 ball to`plab 3-o`rinni egalladi va VXTB ning III darajali diplomi va medali bilan taqdirlandi. Olimpiada yozma ish shartida 50 balldan 49 ball to`plab birinchi natija ko`rsatdi. 
VXTB va UrDU tomonidan yuqori sinf o`quvchilari o`rtasida o`tkazilgan “Muhammad al-Xorazmiy” matematiklar olimpiadasi dastlabki saralash bosqichi 1-o`rin ( viloyatning 447 nafar 10-11- sinf o`quvchilari ishtirok etgan), yakuniy bosqichda 5-o`rinni egallagan. VXTB, UrDU va Yoshlar ittifoqi Xorazm viloyat kengashi diplomi va qimmatbaho sovg`asi (USB 3.1 Gen 1 PORTABLE HARD DRIVE) bilan taqdirlandi.

Yoshlar ma'naviyatini yuksaltirish va ularning bo`sh vaqtini mazmunli tashkil etish bo`yicha 5 ta muhim tashabbus bo`yicha maktabimizda tuman umumiy o`rta ta'lim maktablari uchun tadbir tashkil qilindi. Tadbirda tuman maktablari o`quvchilari rassaomchilik, kitobxonlik, tikuvchilik, AKT bo`yicha savodxonlik va sportning stol tennisi va shahmat sport turlari bo`yicha bellashdilar. Shuningdek maktabimiz sinf rahbarlari va to`garak rahbarlari tomonidan ochiq mashg`ulotlar o`tkazildi. 5 ta muhim tashabbus bo`yicha maktab o`quvchilari tomonidan tayyorlangan tadbir namoyish qilindi. 

Tuman hokimi Alisher Salayev 2019 yil 29 mart kuni maktabimizga tashrif buyurdi. Tashrif doirasida tuman hokimi maktabning matematika faniga ixtisoslashgan 5^a​ sinfida bo`ldi va o`quvchilar bilan suhbatlashdi. Shuningdek maktabda jismoniy tarbiya va sport ishlari bilan tanishib maktab o`quvchilari "Quvnoq startlar" musobaqasida viloyat bosqichiga yo`l olganligi bilan tabriklab ularga keyingi bosqichda omad tiladi.