Maktabimizning 3 nafar o`qituvchisi dekabr oyi "Oyning eng yaxshi fan o`qituvchisi" ko`rik tanlovi tuman bosqichida I - o`rinni egallab, viloyat bosqichida muvaffaqiyatli ishtirok etdilari. Rus tili fani o`qituvchisi Bazarboyeva Zulfiya ushbu tanlovda faol ishtirok etgan bo`lsa, ona tili va adabiyoti fani o`qituvchisi Xayitboyeva Mohira II-o`rinni, mehnat ta'limi fani o`qituvchisi O'razmetova  Zaynab III-o`rinni egalladi va viloyat xalq ta'limi boshqarmasining faxriy yorliqlari bilan taqdirlandilar. Ularni ushbu yutuq bilan tabriklaymiz va kelgusi ishlarida omad tilaymiz.  

Gurlan tumanidagi  41–umumiy o`rta ta’lim maktabi jamoasi 2014-yilning 23 - dekabr kuni maktabda boshlang`ich sinf o`qituvchilari uchun  seminar tashkil qildi. Unda tuman XTMFMTTEB  metodisti Rayhon Xo`janiyozova, tajribali, yosh hamda mahoratli  o`qituvchilar ishtirok etdi. Seminarda maxsus kun tartibi belgilab olindi. Shu tartib bo`yicha trening olib borildi.  Seminar "Zamonaviy ko`rgazmali qurollar, ilg`or pedagogik texnologiyalardan foydalanib dars o`tishni  o`rgatish va o`rganish” mavzusida bo`lib o`tadi. Unda "Mahorat maktabi” dasturi va uning amaldagi ko`rinishi; "O`rgan- o`rgat” tadbirining ta`lim jarayonidagi ahamiyati; o`qituvchi odobi va kiyinishi; ta`limda axborot-kommunikatsiya texnologiyalarining o`rni va undan boshlang`ich sinflarda foydalanish haqidagi masalalarga chuqurroq to`xtaldi. Bularning amaliy isbotini bilish maqsadida boshlang`ich sinf o`qituvchilarining dars jarayoni kuzatildi.